काठमाडौं । गायक देव तन्डुकारको स्वरमा रहेको नयाँ गीत ‘हल्ला भो’ को भिडियो सार्वजनिक भएको छ । गीतमा शब्द तथा संगीत जितेन लेप्चाको रहेको छ । माया प्रेममा भएको एक जोडीको गाउँ घरमा हल्ला भएको कुरा भिडियोमा देखाउन खोजिएको छ । गीतमा फणिन्द्र राईको संगीत संयोजन रहेको छ ।
रुशील अमात्यको निर्देशन रहेको भिडियोमा बासु बरालको छायांकन र शिलन लम्सालको सम्पादन छ । सार्वजनिक भिडियो हाइलाईट्स नेपालको अफिसियल च्यानलमार्फत सार्वजनिक गरिएको हो । भिडियोमा भीमसेन खतिवडा, लक्षुमन चौलागाईं, मन महर्जन, गंगा चौहान, निशा श्रेष्ठ, सबिन जमकट्टेल, मनोहर बस्नेत र साल्भिक सुर्खेतीको अभिनय रहेको छ ।
गायक देवको यस अघि पनि थुप्रै गीत सार्वजनिक भई सकेका छन् । केही समयको अन्तरालमा यो गीत रेकर्ड गराएका तन्डुकारले अब निरन्तर अरु गीतहरु पनि सार्वजनिक गर्दै जाने बताए ।
