मुम्बई(एजेन्सी) । बलिउड अभिनेत्री दीपिका पादुकोण चाँडै नै ‘बाहुबली’ स्टार प्रभाससँग स्क्रिन शेयर गर्दैछिन् । उनले प्रभाससँग अभिनय गर्नकै लागि २० करोड पारिश्रमिक बुझेकी छन् । निर्मातसँगको लामो समयको छलफलपछि दुवै पक्षबीच यो पारिश्रमिकमा सहमति भएको हो ।
फिल्मका लागि प्रभासलाई ५० करोड रुपैंयाँको प्रस्ताव गरिएको छ । दीपिकाले बुझेको पारिश्रमिक हालसम्म कुनै पनि भारतीय अभिनेत्रीले बुझेको सर्वाधिक बढी पारिश्रमिक रकम हो ।
दीपिका र प्रभासको यो ताजा जोडीलाई पर्दामा हेर्न दर्शक पनि व्यग्र प्रतिक्षामा छन् । यो फिल्मको निर्देशन दक्षिण भारतीय प्रख्यात निर्देशक नाग आश्विनले गर्नेछन् ।
