काठमाडौं । गीतकार रमेश काफ्लेको नयाँ गीत ‘तिम्ले मलाई बुझेनौ भने’ को भिडियो सार्वजनिक भएको छ । गीतमा प्रताप दासको स्वर तथा राजकुमार बगरको संगीत छ भने संजिब बराइलीको संगीत संयोजन छ । सुव्रतराज आचार्य निर्देशित भिडियोमा आकाश श्रेष्ठ र योगिता दाहाल फिचर्ड छन् । भिडियो ओएसआर डिजिटलको युट्युब च्यानलबाट सार्वजनिक गरिएको हो ।
भिडियोमा उत्सब दाहालको छायांकन, विष्णु खड्का(आर्यन)को सम्पादन तथा सुभम भुजेलको कोरियोग्राफी रहेको छ । भिडियोको सहायक निर्देशक साइव्रत आचार्य हुन् ।
संक्रमणको अवस्थामा सिमित व्यक्तिहरुको उपस्थिति गराई भिडियो निर्माण गरी कोभिड १९को प्रकोपबाट आजित दर्शकहरुलाई यस्तो गीत तथा भिडियोले सांगीतिक मनोरन्जन प्रदान गर्नेछ भन्ने कुरामा गीतकार तथा निर्माता विश्वस्त रहेका छन् ।
