काठमाडौं । गायक सुगम पोखरेलले समस्त बुबालाई समर्पित गर्दै ‘बुबा(हजुरको याद आउछ)’बोलको गीतको भिडियो सार्वजनिक गरेका छन् । गीतमा उनकै शब्द र संगीत छ । गीतको संगीत संयोजन सुजिल कर्माचार्यले गरेका हुन् ।
गीतको भिडियो विकेश मगरले बनाएका छन् । नजिकिदै गरेको कुशे औशी(बुबाको मुख हेर्ने) दिनको अवसरमा सम्पूर्ण बुबालाई सम्झिएर उनले यो गीत सार्वजनिक गरेका हुन् । केहि समय अघि अप्रत्याशित रुपमा बुबाको निधन भएपछि सुगमले उनै बुबालाई सुनाउन नपाएको गीतलाई सार्वजनिक गरेका हुन ।
‘भौतिक रूपमा बुवा अहिले हामी माझ नभए पनि वहाँको शिक्षा–दिक्षा, सोच, सपना अनि आशिर्वादलाई मार्गदर्शन मानेर एउटा असल मान्छे बन्ने भरमग्दुर प्रयास सधैं गर्नेछु’ सुगमले भनेका छन् ।
सुगमका अनुसार यो गीतले एउटा पिताको चित्रण गर्छ जुन रुप, सोचाइ, भोगाई, आचरण, ब्यक्तित्व सम्भवत हरेकका बा या बुवाको आकृति दिनेछ ।
