लसएन्जल्स(एजेन्सी) । हलिउड अभिनेत्री एलिजाबेध डेबिकी ‘द क्राउन’ को अन्तिम दुई सिजनमा राजकुमारी डायनाको भूमिका निर्वाह गर्ने भएकी छन् । ‘द क्राउन’ ब्रिटेनको राजघरानामा आधारित नेटफ्लिक्सको वेब सिरिज हो । यो सिरिज नेटफ्लिक्सको विश्वभरी लोकप्रिय वेब सिरिजमध्ये एक हो ।
यो सिरिजमा राजकुमारी डायनाको किशोरवाला भूमिका एमा कोरिनले निभाउदैछिन् । अब यो भूमिकालाई एलिजाबेधले पनि निभाउनेछिन् । यसको घोषणा शोको आधिकारिक ट्वीटर पेजमा गरिएको छ । डेबिकी यो सिरिजका अलावा निर्देशक क्रिसोट्रफर नोलनको प्रतिक्षित फिल्म ‘टीनेट’मा देखिनेछिन् ।
‘राजकुमारी डायनाको कुरा, उनको काम मानिसको हृदयमा बसिसकेको छ । यो प्रख्यात सिरिजसँग जोडिनु मेरा लागि सम्मानको विषय हो किनकी यो सिरिजको पहिलो भागदेखि नै मलाई बाँधिरहेको छ’, उनले भनेकी छन् ।
‘द क्राउन’को पाँचौं र अन्तिम सिजनमा इमेल्डा स्टोन्टन रानी एलिजाबेथ द्वितीयको भूमिकामा देखिनेछिन् । डेबिकीले ‘ए फ्यू बेस्ट मेन’, ‘द ग्रेट गेट्सबी’, ‘एभरेस्ट’, ‘द गार्डियन्स अफ गैलेक्सी’ जस्ता फिल्ममा अभिनय गरिसकेकी छन् ।
