मुम्बई(एजेन्सी) । माहौल अहिले अवकाश वरपर नै घुमिरहेको छ । केही दिन अघि भारतीय क्रिकेट टिमका पूर्व कप्तान महेन्द्रसिंह धोनी र बायाँ हाते खेलाडी सुरेश रैनाले अन्तर्राष्ट्रिय क्रिकेटबाट सन्यास लिए । यही बीचमा बलिउडका प्रतिभावान अभिनेता पंकज त्रिपाठीले पनि आफ्नो अवकाशको योजनाका बारे बोलेका छन् । उनले आफूले अभिनयबाट टाढिएपछि खेती किसानी गर्ने बताएका छन् ।
‘मेरो सपना छ कि म मानिससँगै आफ्नो जीवनमा पनि प्रेम भरौं । मेरो योजना छ कि अवकाश पछि खेती गरौं’ उनले भनेका छन् । पंकज मात्र पहिलो अभिनेता होइन, जो कृषि कर्म गर्न चाहन्छन् । अभिनेता नवाजुद्दीन सिद्दीकी यतिबेला आफ्नो गाउँमा खेतीपाती गरिरहेका छन् ।
लकडाउनको समयमा उनले केही तस्बिर सामाजिक सन्जालमा साझा गरेका थिए । त्यस्तै अर्का अभिनेता नाना पाटेकर पनि खेतीपातीमा रुची राख्छन् । केही समय अघि सलमान खान पनि खेतमा धान रोप्दै गरेको भिडियो सार्वजनिक भएको थियो ।
