आमाबाबु बन्दै विराट र अनुष्का

भदौ ११, २०७७
by चित्रलहर

मुम्बई(एजेन्सी) । बलिउड अभिनेत्री अनुष्का शर्मा र उनका क्रिकेटर पति विराट कोहली आमाबाबु बन्ने भएका छन् । अभिनेत्री शर्माले सामाजिक सन्जालमा आफू गर्भवती भएको जनाउ दिने तस्बिर राखेकी छन् । तस्बिरमा पति विराटलाई पनि देख्न सकिन्छ । सामाजिक सन्जालमा तस्बिर आएपछि यो जोडीलाई बलिउड सेलिब्रेटी र उनका फ्यानलाई बधाई दिन थालेका छन् ।

तस्बिरमा अनुष्काले कालो रंगको पहिरन लगाएकी छन् । दुवैजना निकै खुशी छन् । तस्बिरमा अनुष्काको बेबी बम्प प्रष्ट देख्न सकिन्छ । तस्बिरसँगै अनुष्काले ‘र फेरी, हामी तीन हुनेछौं । जनवरी २०२१ मा आउदैछ’ भनेर लेखेकी छन् । विराट यो समयमा आइपीएल २०२० का लागि यूएईमा छन् ।

इन्स्टाग्राममा पहिलो बधाई दिने सेलिब्रेटीमा वरुण धवन छन्, जसले अनुष्काका साथ फिल्म ‘सुई धागा’मा अभिनय गरेका थिए । वरुणले लभको इमोजी बनाएर आफ्नो भावना पोखेका छन् । केएल राहुलले पनि मुटुको चित्र बनाएर दुवैलाई बधाई दिएका छन् । आलिया भट्ट, प्रियंका चोपडा, सामन्ता प्रभु, तापसी पन्नु, काजल अग्रवाल, कियारा आडवाणी, परिणीति चोपडा, मौनी राय, दिया मिर्जालगायतका सेलिब्रेटीले अनुष्का र विराटलाई बधाई दिएका छन् । केही समयसम्म डेटिङ गरेपछि अनुष्का र विराट सन् २०१७ डिसेम्बरमा उनीहरुले विवाह गरेका थिए । अनुष्का र विराटले लकडाउनको लामो समय आफ्नो अलीबागस्थित फार्महाउसमा बिताएका थिए । त्यहाँ उनीहरुका आमाबाबु पनि थिए ।

अनुष्का शर्मा पछिल्लो पटक सन् २०१८ मा शाहरुख खानको फिल्म ‘जीरो’मा देखिएकी थिइन् । त्यसयता उनले कुनै पनि फिल्ममा अभिनय गरिनन् । उनी आफ्नो कम्पनी क्लीन स्लेटका माध्यमबाट फिल्म निर्माण गरिरहेकी छन् । अनुष्काले निर्माण गरेको फिल्म ‘बुलबुल’ केही महिना अघि नेटफ्लिक्समा सार्वजनिक भएको थियो ।

सम्बन्धित पोस्टहरु

शाहरुखलाई ज्यानको धम्की दिने वकिल पक्राउ

मुम्बई(एजेन्सी) । मुम्बई प्रहरीले अभिनेता शाहरुख खानलाई ज्यानको धम्की दिएको आरोपमा छत्तीसगढको राजधानी रायपुरबाट फैजान खान नामको एक वकिललाई पक्राउ गरेको छ । गत...

आमाबाबु बन्दै अथिया र केएल

मुम्बई(एजेन्सी) । सन् २०२३ को जनवरीमा विवाह गरेका बलिउड अभिनेत्री अथिया शेट्टी र क्रिकेटर केएल राहुले फ्यानलाई शुभ समाचार दिएका छन् । अथिया र केएलले नोभेम्बर ८...

विश्नोई ग्याङद्वारा सलमानसँग ५ करोड रुपैंयाँ माग

मुम्बई(एजेन्सी) । बाबा सिद्दिकीको हत्या पछि बलिउड अभिनेता सलमान खान लगातार विश्नोई ग्याङको निशानामा परिरहेका छन् । अभिनेतालाई लगातार धम्की आइरहेको छ । मुम्बई...

१९ वर्षपछि शाहरुख र रणवीरको बक्सअफिस भीडन्त

मुम्बई(एजेन्सी) । अभिनेता शाहरुख खान र रणवीर कपूर बलिउडका दुई यस्ता अभिनेता हुन्, जसको अभिनयबाट जोकोही प्रभावित छन् । यी दुई अभिनेता विशेषत महिला फ्यानमाझ निकै...

अभिनेत्री जान्हवी कपूरलाई फूड प्वाइजन

मुम्बई(एजेन्सी) । बलिउड अभिनेत्री जान्हवी कपूरलाई फुड प्वाइजन भएको छ । फुड प्वाइजन भएपछि जान्ह्वी मुम्बईस्थित एक अस्पतालमा भर्ना भएको उनका पिता बोनी कपुरले...

अक्षय कुमारलाई कोरोना संक्रमण

काठमाडौँ । बलिउड अभिनेता अक्षय कुमारलाई कोरोना संक्रमण भएको छ । अक्षयकुमारले आफूलाई  कोरोना संक्रमण भएकाले अलग बसेको भारतीय मिडियाहरुले उल्लेख गरेका छन् ।...