काठमाडौं । गायक सुगम पोखरेल र प्रारम्भ भण्डारीको स्वरमा नयाँ गीत ‘धन्यवाद’ सार्वजनिक भएको छ । सुगमकै शब्द र संगीत रहेको यो गीत प्रारम्भको पहिलो गीत हो ।
प्रारम्भ भण्डारीको युट्युब च्यानलबाट सार्वजनिक गरिएको गीतको भिडियोमा सुगम पोखरेल र प्रारम्भ भण्डारी नै फिचर्ड छन् । गीतले संसारभर संकट निम्त्याएको कोरोना भाइरस जस्तो विपदमा हरेस नखाई लड्नुपर्ने संदेश दिएको छ । भय र त्रासको यो समयमा पनि रातदिन नभनी खटिरहेका स्वास्थ्यकर्मी, सुरक्षाकर्मी र सम्पूर्ण फ्रन्टलाइन वर्कर्सलाई यस गीत मार्फत धन्यवाद दिइएको छ ।
गीतको भिडियो निर्देशन एलिन श्रेष्ठले गरेका हुन् । भिडियोमा उत्तम हुमागाईं र असू बस्नेतको छायांकन र लोकेश बज्राचार्यको सम्पादन छ ।
