काठमाडौं । गायक कृष्ण काफ्ले र गायिका अस्मिता अधिकारीको स्वर रहेको गीत ‘मेरो नशा नशामा तिमी’को भिडियो सार्वजनिक भएको छ । सार्वजनिक भिडियोमा मोडल तथा नायक ओबी रायमाझी र मोडल अञ्जना कँडेल फिचर्ड छन् । गीतमा अम्बिका गुरुङको शब्द र अर्जुन पोखरेलको संगीत छ ।
क्रान्ति केसीको निर्देशन तथा निराजन के.सी.को सहायक निर्देशन रहेको गीतको भिडियोमा अजय रेग्मीको छायांकन छ । भिडियो ओबी रायमाझीको यूट्युब च्यानल मार्फत सार्वजनिक गरिएको छ ।
यस गीतलाई टिकटक प्रतियोगितामा राखिएको छ । भाद्र मसान्तसम्म जसको सबैभन्दा बढि टिकटक भ्यूज पुग्छ उसलाई २० हजार नगद पुरस्कार प्रदान गरिनेछ ।
