काठमाडौं । ‘सेल्फी हानौँला’, ‘ट्यूसन पढाउँछु’, ‘क्यालेण्डर’ जस्ता गीतका गायक तथा संगीतकार शंकर थापा ‘स्माइल’को नयाँ गीत ‘सार्टनैको चोली’ को भिडियो सार्वजनिक भएको छ । गीतमा अम्बिका गुरुङको शब्द, शंकरको संगीत तथा स्वर रहेको छ भने शंकरलाई दीपा लामाले साथ दिएकी छन् ।
भिडियोमा कार्टुन क्रुजका सरोज अधिकारी र आश्मा विश्वकर्माको अभिनय रहेको छ । एक समारोहमा कारणवश सहयोगी बनेका सरोजले आश्मालाई मन पराएको र प्रेम दोहोरो हुन गएको भिडियोमा देख्न सकिन्छ । भिडियोमा सुब्रतराज आचार्यको निर्देशन र गम्भीर बिष्टको कोरियोग्राफी छ ।
भिडियोमा नवराज उप्रेतीको छायांकन तथा नबिन निरौलाको सम्पादन तथा कलर ग्रेडिंग रहेको छ ।
