काठमाडौं । गायक बिन्तीकुमार गुरुङको नयाँ गीत ‘काफल पाक्यो’ सार्वजनिक भएको छ । गीतमा गुरुङकै शब्द र संगीत छ । गीतमा ककहाङ सुब्बाको संगीत संयोजन छ । पूर्वीय र पश्चिमी शैलीको फ्युजन रहेको गीतमा गुरुङका विदेशी साथीहरुले बाद्यवादनमा साथ दिएका छन् ।
म्युजिक भिडियोमा गायक गुरुङको साथमा आयशा अनवरको अभिनय छ । भिडियो गायक गुरुङको अफिसिएल च्यानल बिन्तीकुमार गुरुङमार्फत सार्वजनिक गरिएको छ । भिडियोमा सुनिल उप्रेतीको छायांकन, सम्पादन र निर्देशन छ ।
यसअघि गायक गुरुङले अन्जु पन्त र मेलिना राईसँगको सहकार्यमा ‘माया त यस्तो’, ‘फूलभन्दा नि राम्री’ बोलका गीतहरु सार्वजनिक गरिसकेका छन् ।
