काठमाडौं । गायक कमल खत्री नयाँ गीत ‘पानी पिउने बहाना’को भिडियो लिएर दर्शकमाझ आएका छन् । सुमन योञ्जनको शब्द रहेको गीतमा कमलकै संगीत छ । गीतमा रिकेश गुरुङको संगीत संयोजन र मिक्सिङ रहेको छ ।
भिडियोमा गायक कमलसँगै अन्तर्राष्ट्रिय मोडल तथा अभिनेता दीपक घिमिरे, विशाल रेग्मी र रियाशा दाहाल फिचर्ड छन् । भिडियो कमल खत्री तथा यूआर स्टाइल प्रोडक्सनको प्रस्तुतीमा तयार भएको हो ।
भिडियोमा नितिन चन्दको निर्देशन तथा सम्पादन, रुपेश थापाको छायांकन र रंग संयोजन र विशाल महराको कोरियोग्राफी छ । भिडियोलाई गायक खत्रीले आफ्नै आधिकारिक यूट्युब च्यानलबाट सार्वजनिक गरेका छन् ।
