काठमाडौं । डिएस डिजिटल सिनेमाको ब्यानरमा निर्माण हुन लागेको फिल्म ‘दानराज’को शीर्ष गीत ‘कस्तो होला म मर्ने दिन’ सार्वजनिक भएको छ । असोजको दोस्रो साताबाट छायांकन शूरु हुने फिल्मको सुटिङ अघि नै गीत सार्वजनिक भएको हो ।
सार्वजनिक गीतमा सुभाष गौतमको शब्द तथा सुरेश अधिकारीको स्वर र संगीत छ । शंकर अधिकारी घायालको प्रस्तुती तथा कल्याण रत्न कार्कीको निर्माण, चेतन घिमिरे र सावर अधिकारीको सह निर्माण रहेको फिल्ममा दानराज चौलागाईं, सुनिता दाहाल, रेश्मा घिमिरे, आरोही राणा, गंगा कुँवर, रबिन श्री, सागर गुरु चौलागाईं, रबि खडका, करुणा श्रेष्ठ, तृष्णा खड्का, बालकलाकार हृदय कार्की ,स्वस्तिक चौलागाईंको अभिनय रहनेछ ।
फिल्ममा कृष्ण पाण्डेको छायांकन, देव महर्जनको द्वन्द्व, सन्दिप भुजेल र राम केसीको नृत्य, रवी केसीको श्रृंगार र विश्वास भण्डारीको सम्पादन छ ।
