काठमाडौं । द भ्वाइस अफ नेपाल पहिलो सिजनका विजेता गायक सिडी विजय अधिकारीको स्वरमा रहेको नयाँ गीत ‘सम्झेर सानु’ को भिडियो सार्वजनिक भएको छ । गीतमा दिल खड्काको शब्द र संगीत तथा फणिन्द्र राईको संगीत संयोजन छ ।
धन कमाउने लोभमा विदेशिएका आफ्ना प्रेमीलाई सम्झिएको भाव गीतमा राखिएको छ । कोरोना कहरबीच यो वर्षको दशैंमा घर फर्किन नपाउने नेपालीहरुको भावलाई पनि केही हदसम्म गीतमा समेटिएको छ ।
भिडियोमा रोशनी कार्की र राज खड्काको अभिनय छ । राज खड्काको निर्देशन रहेको भिडियोमा बुद्ध थापाको छायांकन र विष्णु खड्काको सम्पादन छ । भिडियो जीटुजी मिडियाको अफिसियल च्यानलमार्फत सार्वजनिक गरिएको हो ।
