काठमाडौं । दशैंको छेको पारेर गीत आउने क्रम बढ्दो छ । यही क्रममा बालगायिका रविना बसेलको ‘मेरो बाबा’ बोलको दशैं गीतको भिडियो सार्वजनिक भएको छ । गीतमा अम्बिका गुरुङको शब्द र राजन कार्कीको एरेञ्ज तथा संगीत छ । धुन कला केन्द्रमा रेकर्ड गरिएको गीतमा गोविन्द सोनीको मिक्सीङ छ ।
भिडियोमा टिकटक गर्लका रुपमा परिचित कलाकार अकेशा पोखरेल, उनका बुवा रोबिन पोखरेल एवं अभिनेत्री तथा मोडल ऋचा थापा फिचर्ड छन् ।
मञ्जु बञ्जाडेले निर्देशन गरेको भिडियोमा सन्तोष तिमल्सिनाको छायांकन, मुकेश हुमागाईको डीओपी, पदम सुवेदीको सम्पादन छ । भिडियो भवसागर इन्टरटेन्टमेन्टको युट्युब च्यालनबाट सार्वजनिक गरिएको हो ।
