काठमाडौं । गायिका अस्मिता परियारको स्वरमा रहेको ‘कुन सुरुवात’ गीतको भिडियो सार्वजनिक भएको छ । गीतमा प्रतिमा श्रेष्ठको शब्द तथा अनिल शाहीको संगीत छ ।
आधा दशक भन्दा लामो समय संगीतमा सक्रिय अस्मिता ललित कला नेपाल एकेडेमीमा संगीतको अध्यापन गरिरहेकी छन् । गायिका संगीता राना प्रधान र लावणी चक्रवर्तीसँग पनि शास्त्रीय संगीत सिकिरहेकी अस्मिताको गीतको भिडियो ट्रि इन्टरटेनमेन्टको युट्ब च्यानलमार्फत सार्वजनिक गरिएको हो ।
भिडियोमा शान थापाको निर्देशन छ । सुप्रिम पराजुलीको सम्पादन रहेको भिडियोमा बुद्ध थापाको छायांकन, अर्जुन तिवारीको डीओपी छ ।
