काठमाडौं । गायक मनोज महतो र गायिका अनु चौधरीको स्वरमा रहेको गीत ‘घुईम घुईमके’को भिडियो सार्वजनिक भएको छ । रंगकर्मी प्रदीपकुमार चौधरीको शब्द र सुदीप खतिवडाको संगीत रहेको गीतमा विजय चौधरीको एरेन्ज छ । गीतमा गोविन्द सोनीको मिक्सिङ र मास्टरिङ छ ।
भिडियोमा अन्दिषा चौधरी, आकृति चौधरी र देविन चौधरी फिचर्ड छन् । प्रदीपकै निर्देशन रहेको भिडियोमा प्रेमकथाको भाव देखाइएको छ । भिडियोमा रजनीश चौधरीको कोरियोग्राफी, श्रवणकुमार चौधरीको छायांकन, निशा चौधरीको सम्पादन र लोकेन्द्र राज चौधरीको प्रस्तुती छ ।
भिडियोको कन्सेप्ट प्रदीपकै हो । भिडियो देवदत्त क्रिएसनको युट्युब च्यानलबाट सार्वजनिक गरिएको हो ।
