काठमाडौं । वीर नेपाली सेनाप्रति समर्पित गर्दै गीतकार सुमन योञ्जनको शब्दमा रहेको देशप्रेम गीत ‘कालापानी सिमाना’ को म्युजिक भिडियो सार्वजनिक भएको छ । गीतमा नेपाल आइडल फेम्ड गायिका मेघा श्रेष्ठ, गायक पवन गिरी, विक्रम बराल, किरण गजमेर र कमल राईको स्वर छ । अम्बेर तुम्बापो र किरण गजमेरको संगीत रहेको गीतमा कमल राईको संगीत संयोजन छ ।
देशको निम्ति ज्यानको बाजी राखेर लड्ने सिपाहीको कथा समेटिएको म्युजिक भिडियोमा निराजन प्रधान, गीता थापा, राम प्रसाद हुमागाई र अजय हुमागाईको अभिनय छ । हरि हुमागाईको छायांकन रहेको भिडियोमा प्रविन श्रेष्ठको सम्पादन छ ।
मन्जु खड्का योञ्जन निर्माता रहेको भिडियोमा सिम्पल खरेलको निर्देशनछ । अमेरिकामा बसेर आफ्नो संगीत यात्रालाई अघि बढाइरहेका गीतकार योञ्जनका यसअघि ‘पानी पिउने बहानामा’ , ’हामी सँगसँगै हिड्दा’ बोलका गीत बजारमा आइसकेका छन् ।
