काठमाडौं । गायक सुगम पोखरेलको नयाँ गीत ‘मायालु साबुन’ सार्वजनिक भएको छ । काग तिहारको दिन पारेर शुक्रवार उक्त गीतको म्युजिक भिडियो सार्वजनिक भएको हो । उक्त गीतका शब्द तथा संगीत पनि गायक पोखरेलकै छ । गीतको संगीत संयोजन, रेकर्डिङ, मिक्सिङ तथा मास्टरिङ भने शैलेन्द्र एम प्रधान बाबुले गरेका हुन् ।
भिडियोमा गायक सुगम पोखरेलको साथमा अन्तर्राष्ट्रिय मोडल दीपक घिमिरे, पूजा गिरी, निभा अधिकारी तथा इकृना बल्ल फिचर्ड छन् । भिडियोमा गायक पोखरेल भिन्न गेटअपमा प्रस्तुत भएका छन् ।
नितिन चन्दद्वारा निर्देशित उक्त गीतको म्युजिक भिडियोमा रुपेश थापाको छायांकन र पदम सुवेदीको सम्पादन छ । विशाल महराले भिडियोमा कोरियोग्राफी गरेका छन् । यो भिडियो गायक पोखरेलकै यूट्युब च्यानलबाट सार्वजनिक भएको हो ।
