काठमाडौं । गायक अनुप गुरुङको गीत ‘गल्ती’को म्युजिक भिडियो सार्वजनिक भएको छ । पप भर्सनको यस गीतमा स्वर, शब्द र संगीत स्वयम् गायक अनुपको रहेको छ । गीतमा जेनरिस्क म्युजिकको संगीत संयोजन रहेको छ ।
प्रेम सम्बन्धमा हुने गल्तीहरुको कथा प्रस्तुत गरिएको म्युजिक भिडियोमा गौरव पहारी र सैयारा लामा फिचर्ड छन् । भिडियोमा आरजे गुरुङको छायांकन, राम आइडुको सहायक निर्देशन, बालकुमार मगरको सम्पादन र निर्देशन छ । भिडियो ओएसआर डिजिटलबाट सार्वजनिक भएको हो ।
यसअघि गायक गुरुङले ‘जुनी यो सँगै’, ‘आँखाको नानी’लगायतका थुप्रै गीतहरु सार्वजनिक गरिसकेका छन् । गायक गुरुङ हाल हङकङमा बस्छन् ।
