काठमाडौं । गायक तथा समाजसेवी राज खम्बुले आफ्नी स्व. श्रीमती अन्सु राईको ३२ औ जन्मोत्सबको अवसरमा उदाहरणिय काम गरेका छन् । संयुत्त अपाङ्ग एकता अवाज केन्द्रलाई राजले १ लाख २१ हजार रुपैया सहयोग गरेका छन् । सो रकम सामाजिक अभियान्ता पुन्य गौतमको हातबाट हस्तान्तरण गरेका छन् ।
स्व. अन्सु राई २ वर्ष अगाडी ३० वर्षको उमेरमा मस्तिष्कघातको कारणले बितेकी थिइन् । स्व. अन्सु पेशाले नर्ससँगै कलाकारितामा पनि अगाडी थिइन् । उनले विभिन्न नाटकसंगै धेरै गीतहरुमा कोरियोग्राफरको कामपनि गरेकी थिइन् । राज र अन्सुको २ सन्तानहरु ९ वर्षका एलिएन्स र ४ वर्षकी अलुम्न छन् । छोरी अलुम्न १८ महिनाको हुदा उनको निधन भएको थियो ।
गायक राज खम्बुले आफ्ना गीत–सृजनाहरुमा आफ्नी स्व. श्रीमतीका लागी समर्पित गर्ने गरेका छन् । खम्बुको धरै गीतहरु दर्शकमाझ लोकप्रिय बनिसकेका छन् ।
