मुम्बई(एजेन्सी) । बलिउड स्टारको सामाजिक सन्जालमा फ्यान फलोइङ जबरदस्त छन् । फ्यानहरु आफ्नो मनपर्ने स्टारको फोटो तथा भिडियो देखेर खुशी हुन्छन् । फ्यानहरु उनीहरुको अनस्क्रिन रोमान्सलाई मात्र मनपराउदैनन्, उनीहरुसँग क्रस पनि हुन्छन् । यस्ता केही सेलिब्रेटी छन्, जो आफ्नो क्रशको बारेमा बताइसकेका छन् । ती क्रशहरु उनीहरुका मनपर्ने कलाकार नै हुन् ।
रणवीर कपूर–माधुरी दीक्षित
अभिनेता रणवीर कपूर अभिनेत्री माधुरी दिक्षितको ठूलो फ्यान हुन् । रणवीर माधुरीको मुस्कान, नृत्य शैली र अभिनय कलाको प्रशंसक हुन् । रणवीरले एकपटक माधुरीका कारण आफ्नो हृदय टुटेको बताएका थिए । जुन बेला माधुरीले विवाह गरेकी थिइन् । रणवीरले माधुरीका साथ फिल्म ‘ये जवानी है दिवानी’को गीत ‘घाघरा’मा नृत्य गर्ने मौका पाएका थिए । यो गीत हिट साबित भएको थियो ।
दीपिका पादुकोण–लियोनार्दो डिकार्पियो
बाल्यकालमा दीपिका पादुकोणको क्रश लियोनार्दो डिकार्पियो थिए । उनले आफ्नो बेडरुमको भित्तामा आफ्नो मनपर्ने स्टारको फोटो टास्ने गरेको बताएकी थिइन् । उनले इन्स्टाग्राममा भित्ताको तस्बिर पनि राखेका थिए ।
करीना कपूर खान–राहुल रोय
अभिनेत्री करीना कपूर खान एक डान्स रियालिटी शोको निर्णायक भएको बेला उनलाई उनको क्रशको बारेमा सोधिएको थियो । त्यो बेला उनले आफू बाल्यकालदेखि नै राहुल रोयलाई मनपराउने गरेको र आफूले राहुलको फिल्म ‘आशिकी’ ८ पटक हेरेको बताएकी थिइन् । राहुलले आफ्नो इन्स्टाग्राममा करीनाको यो कुरालाई पनि शेयर गरेका थिए । उनले ‘म शब्दविहिन छु’ भन्दै लेखेका थिए ।
आलिया भट्ट–रणबीर कपूर
अभिनेत्री आलिया भट्ट र अभिनेता रणवीर कपूर बलिउडका प्रिय जोडी मानिन्छन् । उनीहरुको तस्बिरलाई फ्यानले निकै रुचाउछन् । एकपटक आलियालाई उनको सेलिब्रेटी क्रशको बारेमा सोध्दा उनले रणवीर कपूरको नाम लिएकी थिइन् । उनले आफू ११ वर्षको हुँदा रणवीरलाई भेटेको बताएका थिए । त्यो बेला उनले ‘ब्ल्याक’का लागि अडिसन दिएका थिए ।
श्रद्धा कपूर–रितिक रोशन
अभिनेत्री श्रद्धा कपूर अभिनेता ऋतिक रोशनको ठूलो फ्यान हुन् । एक अन्तरवार्ताका बेला उनले कोठामा ऋतिकका धेरै पोस्टर राखेको बताएकी थिइन् ।
कार्तिक आर्यन–करीना कपूर खान
केही वर्ष अघि अभिनेत्री करीना र अभिनेता कार्तिक सिंगापुरमा ¥याम्पमा हिँडेका थिए । कार्तिकले करीनालाई आफ्नो क्रश मान्दै आएका छन् ।
