कृष्ण भजनमा अञ्जली र राज

काठमाडौं । मोडल अञ्जली अधिकारीले कृष्ण महिमा गाइएको भजनमा अभिनय गरेकी छन् । गायक लोक पौडेलको भजन ‘अलमल नगरौं’ मा उनी फिचर्ड छिन् ।

भजनमा समय र उमेर छँदै ईश्वरप्रति भक्तिभाव राख्न र सेवा आराधनामा लाग्न आग्रह गरिएको छ । डा. भोला रिजालको शब्द रहेको भजनमा संगीतकार नरहरि प्रेमीले संगीत भरेका छन् । त्यस्तै कमल सौरागले भजनलाई संगीत संयोजन गरेका हुन् ।

भिडियोमा अञ्जलीसँगै राज खड्काको अभिनय देख्न सकिन्छ । राज खड्काले निर्देशन गरेको भिडियोमा बुद्ध थापाको छायांंकन तथा विष्णु खड्काको सम्पादन रहेको छ ।