काठमाडौं । अभिनेता नाजिर हुसेन र अभिनेत्री आँचल शर्मा अभिनित ‘बाग्मतीको पुल’ बोलको म्युजिक भिडियो सार्वजनिक भएको छ । डान्सिङ शैलीमा तयार भएको गीतको भिडियोमा नाजिर र आँचलको नृत्य देख्न सकिन्छ ।
सार्वजनिक गीतमा राजमन तामाङ र मेलिना राईको स्वर सुन्न सकिन्छ । दीपक शर्माको शब्द तथा संगीत रहेको गीतलाई मोहित मुनालले एरेन्ज गरेका हुन् ।
शान थापाको निर्देशनमा तयार भएको भिडियोमा राजिव समरको करियोग्राफी रहेको छ । अर्जुन तिवारीले खिचेको भिडियोलाई सुप्रिम पराजुलीको सम्पादन रहेको छ । भिडियोका कला निर्देशक मनिक पाख्रिन हुन् ।
शान्तकुमार थापा मगरको लगानीमा निर्माण भएको भिडियो ‘एटके मोशन पिक्चर्स’को च्यानलबाट सार्वजनिक गरिएको हो ।
