काठमाडौ । अभिनेता पल शाह र मोडल गीता ढुङ्गानाले अभिनय गर्ने एक गीतको मुम्बईस्थित कैलाश खेरको स्टुडियोमा रेकर्ड गरिएको छ । सम्राट चौलागाईको स्वर, शब्द तथा संगीतमा तयार भएको गीत कैलाश स्टुडियोमा रेकर्ड गराइएको हो । गीतमा सम्राटसँगै रचना रिमालको पनि स्वर रहनेछ ।
राजिव समरको निर्देशन तथा नवराज उप्रेतीको सिनेमाटोग्राफीमा बन्ने म्युजिक भिडियो गायक सम्राट चौलागाईको अफिसियल युट्युव च्यानलबाट रिलिज हुनेछ ।
गायक सम्राटले सम्पुर्ण स्रोताको साथ सहयोग र अपार मायाले संगीत क्षेत्रको यात्रामा उर्जा मिलिरहेको बताए ।
