काठमाडौं । निर्देशक भोमन कटुवालको निर्देशनमा बन्न लागेको फिल्म ‘ए’ ले कलाकारको खोजी शुरु गरेको छ । फिल्मको लागि कलाकारको अडिसनको जिम्मेवारी लिएको चलचित्र चौतरीले आगामी फागुन २ गते चलचित्र विकास कम्पनी वनस्थलीमा अडिसन गर्दैछ ।
चौतरीले फिल्मका लागि चार चरित्र अभिनेता र दुई चरित्र अभिनेत्री गरी जम्मा ६ जना कलाकारको अडिसन हुने जनाएको छ । भोमन कटुवाल र आकाश उखेडाको लेखन रहेको फिल्ममा प्रल्हाद काफ्लेको लगानी रहेको छ ।
विलभ्ड इन्टरटेन्मेन्टको ब्यानरमा निर्माण हुन लागेको फिल्ममा प्रमोद अग्रहरी, सोहित मानन्धर, दुर्गेश थापा, रामबाबु रेग्मी, सिएम भारद्वाज र विकेश प्रजापति फाइनल भइसकेका छन् । फिल्म काठमाडौ र बनेपा आसपास छायांकन गरिने निर्माण पक्षले जनाएको छ ।
