काठमाडौं । गायक प्रताप दासको स्वरमा रहेको ‘खुशी’को म्युजिक भिडियो सार्वजनिक भएको छ । गीतमा राज केसीको शब्द, जीवन रसाइलीको संगीत तथा राहुल प्रधानको संगीत संयोजन छ ।
युवायुवतीबीचको प्रेम र आकर्षणलाई प्रस्तुत गरिएको भिडियोमा राज केसी र अस्ट्रेलियन मोडेल एबी फिचर्ड छन् । अष्ट्रेलियाको विभिन्न ठाउँमा छायांकन गरिएको भिडियोमा जीवन रसाइलीको छायांकन, सम्पादन र निर्देशन छ ।
ग्लोबल टचको प्रस्तुति रहेको भिडियोलाई आइभिएम फिल्म्सको आधिकारिक च्यानल मार्फत सार्वजनिक गरिएको हो । छिट्टै नै गायिका अस्मिता अधिकारीको स्वरमा यस गीतको फिमेल भर्सन पनि आउने निर्माण टिमले बताएको छ ।
