काठमाडौं । गायक सुगम पोखरेलको नयाँ गीत ‘तिम्रो लागि’को भिडियो सार्वजनिक भएको छ । पाश्र्व गायनमा समेत रुचाइएका यी गायक गीतकार मनिष वशिष्ठद्वारा रचना गरिएका शब्दहरुको गीतमा सुनिएका हुन् । गीतमा कल्याण सिंहको संगीत छ ।
गीतको संगीत संयोजक रिदम कँडेल हुन् भने प्रदीप जोशी गीतका साउण्ड इञ्जिनियर हुन् । गम्भिर विष्टको अवधारणा तथा पटकथामा तयार भएको यो भिडियोमा गम्भिर विष्ट तथा गीता ढुंगाना फिचर्ड छन् ।
नवराज उप्रेतीद्वारा छायांकन गरिएको उक्त गीतको म्युजिक भिडियोमा सुबोल थापाको कोरियोग्राफी तथा सहनिर्देशन छ भने नबिन निरौलाको सम्पादन, भिएफएक्स तथा रंग संयोजन छ ।
गम्भिर विष्टले यो भिडियो निर्देशन गरेका हुन् । यो भिडियो एमबि क्रिएसनको यूट्युब च्यानलमा अपलोड गरिएको छ ।
