काठमाडौं । गायक तथा समाजसेवी निमा तामाङको नयाँ गीत ‘हेर्देउन मायाले’को म्युजिक भिडियो सार्वजनिक भएको छ ।
प्रेमिल शैलीको यस गीतमा भद्रकला आङबुहाङ राईको शब्द तथा बादल लिम्बुको संगीत छ ।
युवायुवतीबीचको प्रेम र आकर्षणलाई प्रस्तुत गरिएको भिडियोमा विल्सनविक्रम राई ‘तक्मे बुढा’, रजनी गुरुङ ‘मंगली’, निमा तामाङ, सुजन राई र विशाल लिम्बु फिचर्ड छन् ।
पाँचथरको सुन्दर दृश्य समावेश गरिएको यस भिडियोमा मनोज कार्कीको सम्पादन, विल्सनविक्रम राईको कन्सेप्ट र कोरियोग्राफी, किरण राईको छायांकन र सम्पादन छ ।
भिडियो तक्मेबुढा डटकममार्फत सार्वजनिक गरिएको हो । हाल अमेरिकाको रोचेस्टरमा रहेका गायक तामाङ गायन, कार्यक्रम आयोजना र समाजसेवामा सक्रिय छन् । हालै ताप्लेजुङ दोभान बजारमा भएको आगलागी पीडितलाई उनले सहयोग गरेका थिए ।
