काठमाडौं । गीतकार कस्तुप पन्तको शब्द र संगीत रहेको ‘सिलौटोमा चटनी’ बोलको गीतको भिडियो सार्वजनिक भएको छ । कस्तुपको जन्मदिनको अवसर पारेर भिडियो सार्वजनिक गरेको हो ।
कुलेन्द्र विश्वकर्मा र समीक्षा अधिकारीको स्वर रहेको गीतमा आशिश अविरलको संगीत संयोजन रहेको छ । शंकर विसीको निर्देशन रहेको गीतको भिडियोमा राजमी खाँड, कुलेन्द्र विश्वकर्मा, ज्योति मगर र प्रिती आलेले नृत्य गरेका छन् ।
अमृत चापागाईंको सम्पादन, दुर्गा पौडेलको छायांकन र रेशम दर्लामीको ड्रोन रहेको गीतको पोस्ट प्रोडक्सनको काम जनता डिजिटल फिल्मसमा भएको हो ।
संगीतकार पन्तको नाममा खोलिएको यूट्युब च्यानलमा सार्वजनिक भएको गीतलाई दर्शकहरुले निकै रुचाएका छन् । गीतको अडियो र भिडियो दुवैको प्रशंसा भएको छ ।
