काठमाडौं । गायक विक्रमजंग शाहको नयाँ गीत ‘ज्यानलाई भो खतरा’को भिडियो सार्वजनिक भएको छ । रोमान्टिक नम्बरको गीतमा विक्रमजंगसँगै गायिका अन्जु पन्तको स्वर छ ।
लेखु सहयात्रीको शब्द रहेको गीतमा सुवाष भुषालको संगीत छ भने पुरुषोत्तम सुवेदीको एरेञ्ज रहेको छ । मुस्ताङको रमणीय स्थान मार्फा गाउँ र धुम्बा ताल परिसरमा खिचिएको म्युजिक भिडियोमा मनोज केसीको कन्सेप्ट र सम्झना उप्रेती रौनियारको निर्देशन छ भने, गोबिन्द राईले कोरियोग्राफीको काम सम्हालेका छन् ।
गीतको भिडियोमा नायिका शिल्पा पोखरेल र डेब्यु मोडल रविन्द्र रिमाल फिचर्ड छन् । रामेश्वर हुमागाईंको छायांकन रहेको म्युजिक भिडियोमा भरत रेग्मीको सम्पादन तथा रंग संयोजन छ । छायांकार हुमागाईंले मुस्ताङ आसपासको दृश्यलाई सुन्दर रुपमा कैद गरेका गरेका छन् ।
सिता तामाङ केसीले मेकअप, राजेन्द्र कमल राईले ड्रेस डिजाइन र सुन्दर श्रेष्ठ (आइडियल)ले पोस्टर डिजाइनको काम गरेका छन् । गीतको भिडियोलाई सबस्त ईन्टरटेनमेन्टको युट्युब च्यानलबाट सार्वजनिक गरिएको छ ।
‘ज्यान भो खतरा’ बोलको गीतले टिकटक प्रयोगकर्ताको लागि सुवर्ण अवसर ल्याएको छ । गायक बिक्रम जंग शाहका अनुसार यो गीतमा उत्कृष्ट टिकटक बनाउनेहरु मध्येबाट एक जनालाई गीतको दोस्रो भागमा मोडलिङको अवसर दिइनेछ ।
