अष्ट्रेलियाबाट कुशलको हावा सरर

काठमाडौं । गायन रियालिटी शो ‘द भ्वाइस अफ नेपाल सिजन १’ को प्रतियोगितामा फाइनलसम्म पुगेका गायक कुशल आचार्यको पहिलो अफिसियल गीत ‘हावा सरर’ सार्वजनिक भएको छ ।

कुशलकै संगीत रहेको गीतमा कुशल र अंकुश अधिकारीको शब्द छ । गीतमा प्रज्जवल लामा संगीत निर्माता छन् ।

सुनोद श्रेष्ठको निर्देशनमा बनेको भिडियोमा गायक कुशलसँगै सुनोद श्रेष्ठ, रेशा सापकोटा, रोजिना उदास, इश्वर फुँयाल फिचर्ड छन् ।

भिडियोमा सुनोदको कथा र सुनेश श्रेष्ठको पटकथा छ । सुनेशकै छायांकन रहेको भिडियोमा सुनोदको सम्पादन छ ।

भिडियोमा भिएफएक्स तथा कलरको काम भने प्रविण श्रेष्ठले गरेका छन् ।