मुम्बई(एजेन्सी) । बलिउड अभिनेता अक्षय कुमार फिल्म उद्योगमा आफ्नो हिट फिल्मसँग फिट शरीरका कारण चिनिन्छन् । उनी व्यक्तिगत जीवनका कारण पनि उत्तिकै चर्चामा आउछन् ।
अक्षय र उनकी श्रीमति ट्विंकल खन्नाको जोडी बलिउडको सफल जोडी मानिन्छ । उनीहरुको फ्यान फलोइङ धेरै छ । तर कमैलाई थाहा होला एकपटक अक्षयकै कारण ट्विंकल पक्राउ परेकी थिइन् ।
यो घटना अक्षय कुमार एक फेशन शो इभेन्टमा र्याम्प वाक गर्दा भएको हो । ट्विंकलका अनुसार अक्षयले उनलाई फोन गरेर आफूले गर्नुपर्ने विषयमा जानकारी दिएका थिए ।
‘अक्षयले मलाई ऊ वाक गर्दै मेरो अगाडि आएपछि उसको जिन्सको माथिको बटन खोलिदिनु भनेको थियो । किनकी जिन्सको नाम नै ‘अनबटन्ड’ थियो । मैले यस्तो काम गर्दिन भनें । तर ऊ मानेन । वाक गरिरहँदा ऊ मेरो अगाडि आएर उभियो र इशारा गर्दै बटन खोल्न भन्यो । जब मैले अस्वीकार गरें, उसले जबरजस्ती मेरो हात समातेर बटन खोल्यो’, ट्विंकलले भनेकी छन् ।
ट्विंकलका अनुसार यो घटनाको भोलिपल्ट अक्षयलाई पद्मश्री सम्मान दिइन लागिएको थियो । जब दुवैजना यो सम्मान लिनका लागि राष्ट्रपति भवन पुगे, त्यही बेला उनकी आमा डिम्पल कपाडियाले मोबाइलमा प्रहरीसँग पक्राउ पूर्जि रहेकाले खोजिरहेको सन्देश पठाइन् । यो मुद्धा अहिले पनि चलिरहेको छ ।
