मुम्बई(एजेन्सी) । टेलिभिजन उद्योगकी लोकप्रिय अभिनेत्रीमध्ये एक रुपल पटेलले दर्शकमाझ आफ्नो अभिनयले अलग पहिचान बनाएकी छन् । उनलाई टेलिफिल्म ‘साथ निभाना साथिया’मा कोकिला मोदीको नामले चिन्छन् ।
यी अभिनेत्री अहिले अस्पताल भर्ना भएकी छन् । उनलाई गम्भीर समस्या छैन । अभिनेत्रीले आफ्ना विषयमा आएका समाचारमा कुनै प्रतिक्रिया दिएकी छैनन् ।
रुपल अस्पतालमा भर्ना भएको खबर फैलनासाथ उनको स्वास्थ्य लाभको कामना फ्यानहरुले गरिरहेका छन् । तर उनी के कारणले अस्पताल भर्ना भइन् भन्ने कुरा केही खुलेको छैन । रुपललाई निर्माताले ‘साथ निभाना साथिया २’का लागि पनि प्रस्ताव गरेको थियो ।
