काठमाडौं । गायक आनन्द कार्कीको स्वरमा रहेको गीत ‘ढिकीको याद आयो’ सार्वजनिक भएको छ । गीतमा सुरेन्द्र रानाको शब्द छ ।
बिरानो परदेशवाट स्वदेशको माया र गाउँठाँउका पुराना सांस्कृतिक घरायसी सामग्रीहरु र गाउले रहनसहनबारे तयार पारिएको उक्त गीत ओएसआर डिजिटलको युट्युबमार्फत सार्वजनिक गरिएको हो ।
इनास यूकेको प्रस्तुति तथा मोडल विनोद चिपालुकै कन्सेप्टमा निर्मित भिडियोमा इनास यूके अध्यक्षसमेत रहेका विनोदका साथमा पवित्रा आचार्य, किशोर चिपालु, सुशान्त चिपालु, पत्रकार संजयभक्त कँडेल, अजय महर्जन, माधवलाल श्रेष्ठ, सनुजा श्रेष्ठ र सेजल गौतमको अभिनय छ ।
देवकुमार श्रेष्ठ निर्देशित भिडियो नेपाल, बेलायत, अष्ट्रेलिया र फ्रान्समा खिचिएको हो ।
भिडियोमा आशिष श्रेष्ठको सम्पादन, कलरिङ तथा इफेक्ट, गुरुदेव घिमिरे र अम्बर चित्रकारको छायांकन, पुजा शाहीको मेकअप छ । सबिना चिपालु भिडियोकी निर्मात्री हुन् ।
