काठमाडौं । फिल्म ‘लभ सर्कल’को ट्रेलर सार्वजनिक भएको छ । मि टिभीको प्रस्तुतिमा निर्माण भएको फिल्म ओमप्रकाश अग्रवाल र रोशन पौडेलले निर्माण गरेका हुन् । कमेडी र सस्पेन्स थ्रिलर जनरामा बनेको फिल्मको निर्देशक वसन्त निरौला हुन् ।
ट्रेलरमा ग्ल्यामर र सस्पेन्सलाई प्राथमिकता दिइएको छ । फिल्ममा नाजिर हुसेन, मुकुन भुषाल, पवित्रा आचार्य, रवीन्द्र झा, रिस्ता बस्नेत र सुमन कोइरालाको अभिनय रहेको छ ।
फिल्ममा अंकित बाबु अधिकारीको संगीत, श्रीधर पौडेलको पोस्टर फोटोग्राफी, मुख्य सहायक निर्देशक बिनय पौडेल, लेखन अभिमन्यु निरवी, कलर राजेन्द्र मोक्तान, छायाँकन दिब्य सुबेदी, कोरियोग्राफी पवित्रा आचार्य र सम्पादन साहिल खान र मिलन श्रेष्ठको रहेको छ ।
फिल्म आगामी २९ गतेबाट डिस होम सिनेमा घर च्यानल नम्बर ५५५ मा प्रदर्शनमा आउने छ । यससँगै सम्पूर्ण डिजिटल प्लेट फर्ममा पनि फिल्म प्रदर्शन गरिने निर्माता ओम प्रकाश अग्रवालले जानकारी दिए । ट्रेलर ओएसआर डिजीटलको अफिसियल च्यानलबाट सार्वजनिक गरिएको हो ।
