धरान । गीतकार तथा संगीतकार उमेश रेग्मीले आफ्नो जन्मस्थान इनरुवाको प्रवद्र्धनका लागि अर्को नयाँ युगल गीत ‘इनरुवा बजारमा’ श्रोता तथा दर्शकमाझ ल्याएका छन् ।
आफ्नो युट्युब च्यानल गोत्र इन्टरटेन्मेन्टमार्फत सार्वजनिक गीतमा गायक विश्व नेपाली र गायिका टीका प्रसाईको स्वर छ । गीतमा राजन इसानको संगीत संयोजन छ ।
युवराज वाइबाको निर्देशनमा तयार भएको भिडियोमा रिमा विश्वकर्मा र मोडल कमल सिंहको अभिनय रहेको छ । भिडियोमा निशाल पौडेलको छायांकन र बिकाश दाहालको सम्पादन रहेको छ ।
आफ्नो जन्म स्थानको प्रचार प्रसारको लागि र आफ्नो मातृभूमि प्रति समर्पित भएर यो गीत निर्माण गरेको रेग्मीले बताए ।
