काठमाडौं । निर्देशक मनोज पण्डितको नयाँ फिल्म ‘एक’को मोसन पिक्चर फस्टलुक सार्वजनिक भएको छ । करिब एक मिनेट लामो डिजिटल पोस्टरमा फिल्मका प्रमुख कलाकार प्रमोद अग्रहरि र विशाल पोखरेलबीचको द्वन्द्वलाई प्राथमिकता दिइएको छ ।
स्पाई थ्रिलर जनरामा बनेको फिल्म डिजिटल प्लेटफर्ममा रिलिज हुनेछ । फिल्ममा विशाल एक गुप्तचरको भूमिकामा छन् ।
फिल्ममा प्रमोद खड्काको द्वन्द्व छ । चलचित्रको छायांकन भने मधेशका फाँटदेखि डोल्पाको हिमाली भेगसम्म गरिएको छ । फिल्ममा विश्वन्त पोखरेलको पनि अभिनय छ ।
स्क्रिप्ट फयाक्ट्रीको ब्यानरमा निर्माण भएको फिल्ममा आत्मा गुरागाई र सोफिया थापाको लगानी छ । फिल्म दशैंको पूर्व सन्ध्यामा असोज २१ गते रिलिज हुनेछ ।
