काठमाडौ । अभिनेता विराज भट्टको अभिनय रहेको फिल्म ‘वीर योद्धा’ शुक्रबारबाट प्रदर्शनमा आएको छ । उद्धव अविदित निर्देशित फिल्मले द्वन्द्वको विषयलाई उठान गरेको छ ।
असोज १ गते डिस होमबाट सार्वजनिक हुने भनिएता पनि फिल्मको कथावस्तु निकै गम्भीर खालको रहेको भन्दै सेन्सर बोर्डले प्रदर्शन स्विकृति दिएको थिएन । केही दृश्य सम्पादन पश्चात फिल्म सार्वजनिक भएको हो ।
चन्द्रसूर्य फिल्मस्को ब्यानरमा निर्माण भएको विराज भट्ट, जेनिसा केसी, शैलेस बखती, गणेश उप्रेती, सुरवीर पण्डित, मुकुन्द थापा, रश्मी भट्ट, विनोद श्रेष्ठलगायतका कलाकारहरूको अभिनय रहेको छ ।
फिल्मको निर्माण संयोजनमा किसान पोख्रेल रहेका छन् भने निर्मातामा गुणराज राजभण्डारी, सन्तोष केसी, रामहरि श्रेष्ठ रहेका छन् । फिल्म डिसहोम ‘सिनेमा घर च्यानल नं. १०८ मा हेर्न सकिन्छ ।
