काठमाडौं । अभिनेत्री साम्राज्ञी राज्यलक्ष्मी शाह ‘माया पिरेम’ बोलको गीतको म्युजिक भिडियोमा अनुबन्धित भएकी छन् । निर्माताद्वय दिनेश दर्शनधारी र यशोदा राईका पुत्र नवकलाकारद्वय देलविस दर्शनधारी र राज रोहन तुम्बाहाम्फेसँग साम्राज्ञीले स्क्रिन शेयर गर्ने भएकी हुन् ।
ट्री इन्टरटेन्मेन्टले निर्माण गर्ने गीतको म्युजिक भिडियोमा दीपेश सापकोटाको निर्देशन रहनेछ । गायक विश्व नेपाली र गायिका अस्मिता परियारको स्वरमा रहेको गीतमा डिपी खनालको शब्द, शंकर थापा स्माइलको संगीत र उदयराज पौडेलको एरेञ्ज छ ।
काठमाडौंका विभिन्न स्थानमा छायांकन हुने भिडियोमा माइकल चन्दको कोरियोग्राफी रहनेछ । भिडियोलाई ट्री मिडियाको अफिसियल युट्युब च्यानलमार्फत सार्वजनिक हुनेछ ।
अभिनेत्री शाहले गीत र संगीत मनपरेको र यसको मेकिङ कन्सेप्ट चाख लाग्दो भएर अभिनयका लागि सहमत भएको बताइन् ।
