काठमाडौं । अभिनेता सबिन श्रेष्ठ अभिनित फिल्म ‘धन्दागिरी’ को आइटम गीत ‘बारुली बारुली’ सार्वजनिक भएको छ । नरेन्द्र भट्टराई (एनबि अन्जान) को निर्देशनमा बनेको फिल्म कोरोना महामारी र लकडाउनका कारण रिलिज रोकिएको थियो ।
फिल्ममा मिना निरौलाको स्वर, नारायण नेपालको शब्द, सूर्यकमल राईको संगीत तथा संजय हमालको एरेन्ज रहेको छ ।
फिल्म दशैंको अवसर पारेर असोज २६ गते देशभर प्रदर्शनमा आउने भएको छ । फिल्ममा सबिनसँगै छुल्ठिम गुरुङ, दिनेश खड्का, दिनेश डिसी, सुशील पोखरेल, दीपक क्षेत्री, बिएस राणा, विपना बस्नेत, सुभाष गजुरेल, सुनिल कटुवाल, सबिता रेग्मीलगायतको अभिनय छ ।
दिनेश खड्का एसोसियट निर्माता रहेको फिल्मको कार्यकारी निर्माता कुमारप्रसाद ओझा हुन् । कविभक्त क्षेत्री र फुर्वा दोर्जे तामाङ फिल्मका निर्माता हुन् । आरआर फिल्म्सको ब्यानरमा निर्माण भएको फिल्मका वितरक रोहित कट्टेल र रत्न श्रेष्ठ हुन् ।
फिल्मको डिजिटल राइट्स डिएआर मुभिज एण्ड फिल्म्सले लिएको छ । गीत डिएआर मुभिजको अफिसियल युट्युबबाट सार्वजनिक गरिएको छ ।
