काठमाडौं । गायक सचिन रौनियारको नयाँ गीत ‘ट्याङ्का भरी सुन’ सार्वजनिक भएको छ । गायिका रचना रिमालको समेत स्वर रहेको गीतमा हरिहर तिमल्सिनाको शब्द र राजनराज शिवाकोटीको संगीत छ ।
भिडियोमा हाँस्य टेलिसिरियल ‘सक्किगोनी’को जोडी सागर लम्साल ‘बले’ र प्रियना आचार्य ‘मुन्नी’ फिचर्ड छन् । भिडियोमा ट्याङ्का भरी सुन छ भन्दै धाक लगाउने सचिनबाट सुनको ट्याङ्का नै फुत्काएको कुरालाई देखाइएको छ ।
शान थापाको निर्देशन रहेको भिडियोमा राजिव समरले कोरियोग्राफी, अर्जुन तिवारीको छायांकन र सुप्रिम पराजुलीको सम्पादन तथा रंग संयोजन छ ।
भिडियो एम ८ म्युजिक फ्याक्ट्री नामक युट्युब च्यानलबाट सार्वजनिक गरिएको हो ।
