काठमाडौं । हिन्दु धर्मावलम्बीहरुको महान पर्व विजया दशमीलाई लक्षित गर्दै ‘आयो दशैं’बोलको गीत सार्वजनिक भएको छ । गायक कौशलराज खड्का तथा गायिका अनामिका चौलागाईको स्वरमा रहेको गीतको भिडियो सार्वजनिक भएको हो ।
विजया दशमी तथा दिपावली पर्वले भित्र्याएको उत्साह, उमंग तथा वेदनालाई गीतमा समावेश गरिएको छ । रंग पत्रकार तथा गीतकार शान्तिप्रियको शब्द रहेको गीतमा दीपक शर्माले संगीत भरेका छन् भने राजेन्द्र बजगाईको संगीत संयोजन रहेको छ ।
भिडियोमा केशवराज भट्टको निर्देशन, मुकेश हुमागाईँको छायांकन, विनोद बमको सम्पादन तथा रंग संयोजन रहेको छ । भिडियोमा श्रीदेव भट्टराई, दीपाशा बिसी, सन्तोष केसी तथा झरना परियारको अभिनय रहेको छ । छायांछवि क्रियशनले निर्माण गरेको यस भिडियोलाई गीतकार शान्तिप्रियले निर्दिष्ट गरेका छन् ।
