काठमाडौं । गायिका मेलिना राई र गायक सन्जिव पुडासैनीको सहकार्यमा तयार भएको गीत ‘सुन प्रिय’को म्यूजिक भिडियो सार्वजनिक भएको छ ।
घुुम्ने, रमाउने उमेरका युवायुवतीहरुको घुमघाम रमाइलोमा सुटुक्क प्रेममा पर्नेहरुको कथालाई नजिकबाट देखाइएको भिडियोमा उषा उप्रेती, आशिष पाण्डे, बिनु गुरुङ र नवराज बस्नेत फिचर्ड छन् ।
रुमु न्यौपाने र अमृत भुजेलको शब्द सिर्जना रहेको गीतमा गायक सन्जिवकै संगीत छ । जसको एरेन्ज, मिक्सिङ र मास्टरिङ शैलेन्द्रमान प्रधान(बाबु)ले गरेका छन् ।
सोबित मगर र प्रिन्स राईको कोरियोग्राफी रहेको गीतको छायांकन र सम्पादन र निर्देशन पनि फराज अर्पणले गरेका हुन् । भिडियोको सह–निर्देशन विशाल थापाले गरेका हुन् ।
