काठमाडौं । आगामी मंसीर १७ गते रिलिज हुने फिल्म ‘ओभरडोज’को ट्रेलर सार्वजनिक भएको छ । फिल्मको ट्रेलरमा प्रेम, रोमान्स र एक्सन समेटिएको छ । फिल्मको छायांकन अमेरिकामा नै गरिएको हो ।
दादा प्रोडक्सन हाउस र रिच इन्टरटेनमेन्टको संयुक्त ब्यानरमा बनेको फिल्मका निर्देशक सुमन पौडेल हुन् । प्रनिशराज पन्त, सबिनजंग थापा, बिना श्रेष्ठ, स्वामी डि, एलेन ब्रनिला, सदीक्षा कार्की, डुएन टर्नर लगायत कलाकारको मुख्य भुमिका रहेको फिल्म जीवनकुमार केसीले निर्माण गरेका हुन् ।
निर्माता केसीले फिल्म युवापुस्ताको रुचीलाई ध्यानमा राखेर निर्माण गरेको बताए । फिल्ममा पिजे वाइबाको संगीत, साजन कार्कीको सम्पादन र गुच्ची भाईको छायांकन रहेको छ । कमल पाण्डेको भिजुअल इभेक्ट समेटिएको फिल्मका लेखक उपेन्द्र पन्जियार, जुनियर मोरेनो हुन् ।
नयन आचार्य प्रोडक्सन डिजाइनर रहेको फिल्म जि.जि ग्रूप उपत्यका र एफ.डि कम्पनीले उपत्यका बाहिर वितरण गर्न लागेको हो । फिल्म क्षेत्रलाई चलायमान गराउने उद्देश्यले फिल्म रिलिज गर्न लागेको वितरक करण श्रेष्ठले बताए ।
