काठमाडौ । पी.के.फिल्मस्को प्रस्तुतीमा अभिनेता पलशाह र मोडल कविता राय फिचर्ड म्युजिक भिडियो रिलिज भएको छ । पी.के फिल्मस्बाटै गत महिना थारु गीत ‘ओ सजन’बोलको म्युजिकको सफलता पछि ‘हेरेर तिमीलाई’ बोलको गीतको म्युजिक भिडियो सार्वजनिक भएको हो ।
गायक शिव परियार र गायिका अञ्जु पन्तको स्वरमा रहेको गीत गत शनिबार भब्य कार्यक्रमका बिच सार्वजनिक गरिएको थियो ।
यो गीत रवीमानसिंह बस्न्यातले लेखेका हुन् भने टिका बम्जनले संगीत गरेका छन् । यस गीतलाई साहस शाक्यले एरेञ्ज गरेका हुन् ।
गीतको म्युजिक भिडियो काजिश श्रेष्ठले निर्देशन गरेका हुन् । भिडियोका छायांकार अर्जुन तिवारी र सम्पादन तथा रंग संयोजन मिलन विश्वकर्माको छ ।
