काठमाडौं । मायालु जोडीहरुको एकअर्काप्रतिको विश्वास र समर्पणलाई समेटेर लेखिएको गीत ‘शितल जुन’को म्युजिक भिडियो सार्वजनिक भएको छ ।
अस्मिता अधिकारी र आर्यन तामाङको स्वर रहेको गीतमा प्रल्हाद शाहको शब्द र कल्याण सिंहको संगीत तथा गोपाल रसाइलीको संगीत संयोजन छ ।
युवायुवती बीचको प्रेम र आकर्षणलाई गीत प्रस्तुत गरिएको भिडियोमा दीपक घिमिरे र पुजा ठाकुर फिचर्ड छन् । बुद्ध थापाको छायांकन रहेको भिडियोमा दिन्सन शाहको सम्पादन छ ।
होप इन्टरनेशनलले प्रायोजन गरेको भिडियो गणेश शाहीले निर्देशन गरेका हुन् । भाका इन्टरटेनमेन्टको आधिकारिक युट्युब च्यानलमार्फत भिडियो सार्वजनिक गरिएको हो ।
