काठमाडौं । गायक धिरज राईको लोकप्रिय गीत ‘लुकीलुकी’ नयाँ भर्सनमा रिलिज भएको छ । २५ वर्षअघि धिरजले आफ्नै शब्द तथा संगीतमा रेकर्ड गरेको यो गीत अहिले पनि उत्तिकै लोकप्रिय छ ।
राजधानीमा मंगलबार आयोजित कार्यक्रममा गीतको भिडियो सार्वजनिक गरियो । भिडियोमा आँचल शर्मा, डेभिल्स दर्शनधारी र राज रोयल फिचर्ड छन् ।
माइकल चन्द निर्देशित भिडियोमा उत्सव दाहालको छायांकन, सिशन लम्सालको सम्पादन र रंग संयोजन तथा माइकल स्टेप—अप एण्ड आर्टस् एकेडेमीको कोरियोग्राफी छ ।
भिडियोका निर्माता दिनेश दर्शनधारी र यशोदा राई हुन् । भिडियो ट्री इन्टरटेनमेन्टको युट्युब च्यानलबाट सार्वजनिक गरिएको छ ।
