काठमाडौं । गायक तथा संगीतकार सर्जु रञ्जितको स्वरमा रहेको ‘मनको कुरा’ बोलको म्युजिक भिडियो सार्वजनिक भएको छ । प्रेमिल शैलीको यस गीतमा सुनिता रञ्जितको शब्द तथा राजु कार्कीको संगीत संयोजन छ ।
भिडियोमा पुष्प खड्का र रिमा विश्वकर्मा बीचको प्रेम र रोमान्सलाई प्रस्तुत गरिएको छ । अमर चित्रकारको छायांकन रहेको भिडियोमा सुब्रिना चित्रकारको सम्पादन छ । राजन शाहीको निर्देशन रहेको भिडियोमा समिता रञ्जित श्रेष्ठको लगानी छ । भिडियो हाइलाइट्स नेपालको युट्युब च्यानलमार्फत सार्वजनिक गरिएको हो ।
गायक रञ्जितका यसअघि ‘तिम्रो नशालु हेराई, ‘राम कसम’ लगायत दर्जनौ म्युजिक भिडियो सार्वजनिक भइसकेका छन् ।
