काठमाडौं । सुर्य एन श्रेष्ठ निर्देशित फिल्म ‘लाइफ इन एलए’को गीत ‘उदाएर आयौ तिमी’ सार्वजनिक भएको छ । आगामी जेष्ठ ६ गतेबाट प्रदर्शनमा आउने फिल्मको शुक्रबार राजधानीमा आयोजित एक कार्यक्रमका बीच गीत रिलिज गरिएको हो ।
गीतमा फिल्मका मुख्य कलाकार ब्यास बिस्शु र अकेशा बिष्टलाई फिचर्ड छन् । प्रविसा अधिकारी र प्रताप दासको स्वर रहेको गीतमा प्रतिक पौडेलको संगीत छ ।
त्रिकोणात्मक प्रेमकथा रहेको मा ब्यास बिस्सु, अकेशा बिस्ट, शिल्पा मास्के, गौरव पहारी, बुद्धि तामाङ, प्रकाश घिमिरे, निलम चन्द, लोकेन्द्र लेखक, जारेड बिलप्स, साम भुजेल, जयन्द्र चिलुवाललगायतको अभिनय छ । फिल्ममा एलिस कार्की र प्रतिक पौडेलको संगीत र प्रताप दास, प्रविसा अधिकारी र कविता श्रेष्ठ स्वर छ ।
ब्यास इन्टरटेनमेन्टको प्रस्तुति रहेको फिल्म ब्यास बिस्सुले निर्माण गरेका हुन् । संसार सुवेदी कार्यकारी निर्माता रहेको फिल्ममा अमेरिकाको लागि राजेन्द्र ठकुराथी निर्माताको रुपमा छन् । दीपक वली एसोसियट निर्देशक रहेको फिल्मका प्रोडक्सन म्यानेजर प्रदीप आचार्य र प्रदीप खत्री हुन् । फिल्मको अमेरिका क्षेत्रको छायांकन क्रिस वारेन र एडवर्ड युकेन गरेका हुन्, भने नेपालको क्षेत्र बाबु श्रेष्ठले खिचेका हुन् ।
भुपेन्द्र अधिकारी र उज्ज्वल ढकालको सम्पादन रहेको फिल्ममा कविराज गहतराज र सुरज श्रेष्ठको कोरियोग्राफी छ ।
